रघुजी पन्तको टिप्पणी- नेपालले भारतीयलाई कडाइ गर्नुपर्छ, सीमा व्यवस्थित गर्नुपर्छ

काठमाडौं । नेकपा (एमाले)का सांसद रघुजी पन्तले भारतीय नागरिकलाई सिमा नाकामा कडाइ गर्नुपर्ने धारणा राखेका छन् ।

आइतबारको राज्यव्यवस्था तथा सुशासन समिति बैठकमा बोल्दै उनले भातरसँगको सिमा व्यवस्थित गर्नुपर्ने बताए ।

“खुल्ला सीमा व्यवस्थित गर्नुस् । भारतले हाम्रा नागरिकलाई कडाइ गर्दा हामी किन नसक्ने ?,” उनले भने । सांसद पन्तले नेपाल तेस्रो देशबाट आएर बसोबास गर्ने मानिसहरूको अखडा बन्दै गएकोमा पनि असन्तुष्टि पोखे ।

उनले रोहिङ्गा शरणार्थीको विषय पनि बैठकमा उठाए । “यथार्थ जानकारी होस् । भारतसँगको सीमा व्यवस्थित गर्नुस् । किन भने नेपाल जो पनि आएर बस्ने ठाउँ भयो,” सांसद पन्तले भने, “रोहिंगाको विषय प्रमाणसहित आइरहेको छ । तेस्रो लिंगीहरू जसले लुट्छन् । उनीहरू नेपाली होइनन् ।”

यो मुलुकमा जो आएर जे पनि हुने हो ? भन्ने प्रश्न गर्दै उनले पाकिस्तानी महिला नेपालको बाटो प्रयोग गरेर भारत जादा हंगामा भएको पनि स्मरण गरे । “पाकिस्तानी महिला भारतीयसँग लभ पर्‍यो नेपाल हुँदै भारत पुगिन् । भारतमा हंगामा भयो,” उनले भनिन् ।