हिउँचितुवाको आक्रमणबाट मुस्ताङमा ९ च्याङ्ग्रा मारिए

काठमाडौँ। हिउँ चितुवाले आक्रमण गर्दा मुस्ताङमा ९ वटा च्याङ्ग्रा मरेका छन् । मुस्ताङको वारागुङ मुक्तिक्षेत्र गाउँपालिका–३ घ्याकरमा रहेको गोठमा पसेर चितुवाले च्याङ्ग्रामाथि गएराति आक्रमण गरेको मुस्ताङ प्रहरीले जनाएको छ ।

गोठमा रहेका ३६ च्याङ्ग्रामध्ये ९ च्याङ्ग्रा मारेको, ६ वटा घाइते बनाएको, एउटा खाएको र एउटा लिएर गएको मुस्ताङका प्रहरी प्रमुख डीएसपी भोजराज पाण्डेयले जानकारी दिए । १९ वटा च्याङ्ग्रा गोठमै रहेको उनले बताए ।

उक्त घटनाबारे मंगलबार बिहान साढे १० बजे इलाका प्रहरी कार्यालय छुसाङमा खबर आएको थियो । त्यसपछि त्यहाँबाट ४ जना प्रहरीको टोली १० किलोमिटर उत्तरतर्फ पर्ने घटनास्थल पुगेको थियो ।