पर्यटन मन्त्रालयका उपसचिव नेपाल भ्रष्टाचारी ठहर

काठमाडौं । संस्कृति, पर्यटन तथा नागरिक उड्डयन मन्त्रालयका उपसचिव प्रमोद नेपाल भ्रष्टाचार मुद्दामा दोषी ठहर भएका छन् । विशेष अदालतका अध्यक्ष टेकनारायण कुँवर तथा सदस्यद्वय रामबहादुर थापा र मुरारीबाबु श्रेष्ठको इजलासले उपसचिव नेपाललाई दोषी ठहर गरेकाे हाे ।

उनलाई अदालतले एक वर्ष कैद र ६ लाख रुपैयाँ जरिवाना असुल्ने फैसला सुनाएको छ । साे प्रकरणमा पक्राउ परेका हरिभक्त श्रेष्ठलाई भने अदालतले सफाइ दिएको छ ।

२०७९ साउनमा अख्तियार दुरुपयोग अनुसन्धान आयोगले घुसबापत सेवाग्राहीबाट बुझेको ६ लाख र आफू चढेको गाडीमा थप साढे १६ लाखसहित उपसचिव नेपाललाई पक्राउ गरेको थियो । यस्तै श्रेष्ठलाई साेही समयमा अख्तियारले नियन्त्रणमा लिएको थियाे ।