वीरगञ्ज । पर्साकाे नेशनल मेडिकल कलेजमा थप एक जना काेराेना संक्रमितकाे मृत्यु भएकाे छ ।
बाराकाे निजगढ नगरपालिका-९ का ६२ वर्षीय पुरूषको मेडिकल कलेजको आइसोलेसनमा उपचारको क्रममा शनिबार पौने ६ बजे उनको निधन भएको अस्पतालका चिकित्सक डा. परवेज अन्सारीले जानकारी दिए ।
डाक्टर अन्सारीका अनुसार उनकाे आईसोलेसन भर्ना गर्दा नै निमोनियाका कारण अवस्था गम्भीर थियो ।
उच्च ज्वरो र श्वासप्रश्वासमा समस्या देखिएपछि उपचारको लागि वीरगञ्ज ल्याएकोमा उनमा १३ कात्तिकमा कोरोना संक्रमण पुष्टि भएको थियो । सोही दिन नेशनल मेडिकल कलेनको आइसोलेसन सेन्टरमा भर्ना गरिएको थियो ।
आइसोलेसनमा चार जना कोरोना संक्रमित उपचाररत छन् । चारै जनाको आइसीयूमा उपचार भइरहेको नेसनल मेडिकल कलेजका कोरोना फोकल पर्सन डा. असरफ हुसैनले जानकारी दिए ।
