रुसी सेनामा भर्ना भएका थप एक नेपालीको मृत्यु

काठमाडौं । रुसी सेनामा भर्ना भएका रसुवाका एक युवकको मृत्यु भएको छ

मृत्यु हुनेमा रसुवा नौकुण्ड गाउँपालिका– ५ का ३२ वर्षीय सुन्दर मोक्तान रहेका छन्। रुसी सेनामा कार्यरत ती मोक्तानको रुस–युक्रेनको युद्धमा परी मृत्यु भएको हो । गाउँपालिका अध्यक्ष नुर्वु स्याङवो घलेले मोक्त्तानको मृत्यु भएको खबर परिवारलाई प्राप्त भएको जानकारी दिए । मृतक पूर्व नेपाली आर्मी समेत हुन् ।

गत भदौमा रुसी सेनामा भर्ती हुन पुगेका उनको मृत्युको खबर गत पुस १२ गते परिवारलाई आइपुगेको थियो । मृतक मोक्तानसँगै रुसी सेनामा पुगेका साथीहरुले परिवारलाई उनको मृत्युको खबर पठाएका थिए । त्यसपछि उनकाबारे थप कुनै खबर आएको थिएन ।