कोरोना अपडेट: आजको संक्रमित संख्या ३७ सय ४९ जना, डिस्चार्ज हुने ३५ सय ६४ जना

काठमाडौं । बिहीबार देशभर ३ हजार ७ हजार ४९ कोरोना संक्रमित थपिएका छन्।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा सो संख्याका संक्रमित थपिएका हुन्। यीसहित हालसम्म संक्रमित हुनेको संख्या १ लाख २१ हजार ७ सय ४५ पुगेको उनले बताए।

यस दिन कोरोनाबाट ३ हजार ५ सय ६४ निको भएका छन्। यीसहित हालसम्म कोरोनाबाट निको हुनेको संख्या ८४ हजार ५ सय १८ पुगेको छ।

पछिल्लो २४ घण्टामा १६ हजार ५ सय ९८ जनाको पीसीआर परीक्षण गरिएको हो। अहिले देशभर ३६ हजार ५ सय ३३ जना सक्रिय संक्रमित छन्। 

बिहीबार कोरोनाले थप १९ जनाको मृत्यु भएको छ। योसँगै कोरोनाबाट ज्यान गुमाउनेको संख्या ६ सय ९४ पुगेको छ।