नेपालसँगको म्याच छाडेर भारत फर्किएका बुमराह बने छोराका बाबु

काठमाडाैं। नेपालसँगको म्याच छाडेर स्वदेश फर्किएका भारतीय प्रभावशाली फास्ट बलर जसप्रित बुमराह पिता बनेका छन् ।

पत्नी सञ्जना गणेशनले छोरालाई जन्म दिएको बुमराहले ट्विटरमार्फत जानकारी गराएका छन् ।

‘हाम्रो सानो परिवार ठूलो भएको छ । आज बिहान छोरा अंगद जसप्रित बुमराहलाई दुनियाँमा स्वागत गरेका छौं । जीवनको नयाँ अध्यायका लागि हामी निकै खुशी छौं,’ बुमराहले लेखेका छन् ।

एसिया कपअन्तर्गत आज नेपाल र भारत भिड्दैछन् । बुमराह पारिवारिक कारण देखाउँदै हिजै भारत फर्किएका थिए ।

उक्त प्रतियोगिताअन्तर्गत आफ्नो पहिलो खेलमा पाकिस्तानसँग नेपाल पराजित भएको थियो भने भारत र पाकिस्तानबीचको खेल वर्षाले रद्द भएको थियो ।