ललिता निवास प्रकरण: मिनबहादुर गुरुङसहित १८ जनालाई थप ३ दिन हिरासतमा राख्न अनुमति

काठमाडौँ । बालुवाटारस्थित ललिता निवास जग्गा अपचलन प्रकरणमा पक्राउ परेकाहरुलाई अदालतले थप ३ दिन हिरासतमा राख्न अनुमति दिएको छ ।

जिल्ला अदालत काठमाडौँका न्यायाधीश दीपक ढकालले भाटभटेनी सुपर मार्केटका सञ्चालक मिन बहादुरगुरुङ सहित १८ जनालाई हिरासतमा राख्न प्रहरीको केन्द्रीय अनुसन्धान ब्युरोलाई अनुमति दिएका हुन् ।

गत साउन ३१ मा थप भएको म्याद सकिएपछि प्रहरीले म्याद मागेको थियो । केन्द्रीय अनुसन्धान ब्युरोले उक्त प्रकरणमा अनुसन्धान पुरा भएको जानकारी दिएको छ । आज राय सहितको अनुसन्धान प्रतिवेदन सरकारी वकिल कार्यालयमा पेश गरिने केन्द्रिय अनुसन्धान ब्युरोका प्रवक्ता (एसपी) नवराज अधिकारीले बताए ।