इन्धन बोकेको भ्यानसँग बस ठोक्किँदा २० जनाको मृत्यु

काठमाडौं । पाकिस्तानमा इन्धन बोकेको भ्यानसँग बस ठोक्किँदा २० जनाको मृत्यु भएको छ । पूर्वी पञ्जाव प्रान्तको हाफिजाबाद जिल्लामा आज यात्रुवाहक बस दुर्घटना हुँदा उनीहरुको मृत्यु भएको हो।

यात्रु बसले अर्को सवारीसाधनलाई ठक्कर दिँदा लागेको आगोले अन्य १५ जना घाइते भएको बताइएको छ ।

फैसलाबाद टोल प्लाजाको राजमार्गमा बिहान इन्धन बोकेको पिकअप भ्यानसँग बस ठोक्किएर आगलागी भएको थियो । उद्धारकर्मीहरुले घाईतेलाई उपचारका लागि अस्पतालमा भर्ना गरिएको छ । जसमा तीन जनाको अवस्था गम्भीर रहेको छ ।

बसमा करिब ४० जना यात्रु सवार थिए । दुर्घटनाग्रस्त बस दक्षिणी बन्दरगाह शहर कराँचीबाट संघीय राजधानी इस्लामावाद जाँदै थियो ।

स्रोत : सिन्ह्वा