यसरी जोखिँदै छ ‘ब्रेक शु’सहितको सय किलो सुन

काठमाडौँ। हङकङबाट अवैध रुपमा भित्रिएको करीब सय किलो सुन नेपाल राष्ट्र बैंकको टक्सार महाशाखामा पगाल्न थालिएको छ।

उक्त सुन त्रिभुवन अन्तर्राष्ट्रिय विमानस्थलबाट जाँच पास भएर गत साउन ३ मा राजस्व अनुसन्धान विभागको टोलीले नियन्त्रणमा लिएको थियो। स्कूटरको ‘ब्रेक-सु’मा ल्याइएको त्यस सुन विभागले जोख्नका लागि नेपाल राष्ट्र ब्यांकमा पठाएको थियो।

राष्ट्र ब्यांकको टक्सार महाशाखामा आज सोमबारदेखि सुन जोख्न थालिएको हो। ‘ब्रेक-सु’मा रहेको सुन पगालेर जोख्न थालिएको महाशाखाले जनाएको छ।

यो प्रकरणमा अनुसन्धानको जिम्मा विभागले नेपाल प्रहरीको केन्द्रीय अनुसन्धान ब्युरो (सीआईबी)लाई दिएको छ। सुन तस्करी प्रकरणमा अहिलेसम्म १८ जना पक्राउ परेका छन्।

यस सम्बन्धमा थप अनुसन्धान भइरहेको सीआईबीले जनाएको छ।