माधव नेपालको गुनासो- हामी हुनुपर्ने जति इमान्दार भएनौँ

काठमाडौँ । नेकपा एकीकृत समाजवादीका अध्यक्ष माधवकुमार नेपालले संविधानमा भएका अधिकार र व्यवस्था कार्यान्वयनमा लैजान नसकिएको गुनासो गरेका छन् ।

आज मंगलबार पार्टी निकट अनेरास्ववियुले आयोजना गरेको सम्मान कार्यक्रममा बोल्दै पूर्व प्रधानमनत्री समेत रहेका नेपालले देशमा धेरै किसिमका समस्या रहेको पुष्टि गरे ।

‘देशमा धेरै समस्याहरू छन् । ती मध्ये पहिलो समस्या हामी सबै बन्नुपर्ने जति इमान्दार बनेका छैनौँ । देश बनाउने भावनाले ओतप्रोत छैनौ’, अध्यक्ष नेपालले भने, ‘हामीले आफूलाईमात्र केन्द्र विन्दुमा राख्ने गरेका छौँ, देश र जनतालाई केन्द्र विन्दुमा राखेका छैनौँ ।’

उनले देश र जनतालाई केन्द्र विन्दुमा राखेर अघि बढ्नुपर्ने भन्दै स्वतन्त्रता, स्वाधिनतामा ठेस लाग्ने काम भयो भने स्वीकार्य नहुने बताए ।