घरायसी विवाद हुँदा आफ्नै श्रीमानको कुटाइबाट श्रीमतीको मृत्यु

काठमाडौं । आफ्नै श्रीमतीको हत्या गरेको आरोपमा सप्तरीमा एकजना पक्राउ परेका छन् । पक्राउ पर्नेमा महादेवा गाउँपालिका–२, अकबरपुरका ३५ वर्षीय रामरूप खङ छन् ।

३० वर्षीया पार्वतीदेवी खङको हत्या गरेको आरोपमा हिजो आइतबार राति उनलाई प्रहरीले नियन्त्रणमा लिइएको हो ।

उनीहरूबीच घरायसी झैझगडा भएको थियो । त्यसक्रममा कुटपिट गरिँदा पार्वती गम्भीर घाइते भएकी थिइन् । उपचारका क्रममा राजविराजस्थित छिन्नमस्ता अस्पतालमा उनको मृत्यु भएको प्रहरीले जनाएको छ ।

उक्त झगडा छुट्ट्याउने क्रममा रामरूपकी आमा ६१ वर्षीया समतोलिया खङ गम्भीर घाइते भएकी छन् । छिन्नमस्ता अस्पतालमै उनको उपचार भइरहेको प्रहरीले जनाएको छ ।