भारतको ओडिसामा बस दुर्घटना हुँदा ११ जनाको मृत्यु

एजेन्सी। भारतको ओडिशास्थित गञ्जम जिल्लामा बस दुर्घटना हुँदा कम्तिमा ११ जनाको मृत्यु भएको छ। उक्त दुर्घटनामा ९ जना यात्रु गम्भीर घाइते भएका छन्।

आइतबार राति ओडिसा राज्यको सडक परिवहन निगमको बस र निजी बस ठोक्किदा ११ जनाको मृत्यु भएको हो।

मृत्य हुनेमा अधिकांश निजी बसका यात्रु रहेको समाचार एजेन्सी एएनआईले जनाएको छ।

घाइतेहरूलाई ओडिसाको बेरहमपुर जिल्लाको एमकेसीजी मेडिकल कलेजमा उपचार भइरहेको छ।

समाचार एजेन्सी एएनआईसँग कुरा गर्दै गञ्जम जिल्ला मजिस्ट्रेट दिव्या ज्योति परिडाले घटनाको अनुसन्धान भइरहेको र घाइतेहरूलाई संभव भएसम्म सहयोगको प्रयास गरिने बताए।

ओडिसाका मुख्यमन्त्री नवीन पटनायकले बस दुर्घटनामा ज्यान गुमाउनेप्रति गहिरो दु:ख व्यक्त गरेका छन्।

मुख्यमन्त्रीले मृतका परिवारलाई जनही ३ लाख रुपैया क्षतिपूर्ति दिने घोषणा गरेका छन्।