राप्रपा अध्यक्ष लिङ्देनको प्रश्न- यस्तो बजेट बनाउने बुद्धि कसले दियो ?

काठमाडौं । राष्ट्रिय प्रजातन्त्र पार्टी( राप्रपा)का अध्यक्ष राजेन्द्र लिङ्देनले अर्थमन्त्री प्रकाशशरण महतलाई यस्तो बजेट बनाउने बुद्धि र ज्ञान कसले दियो ? भन्दैआक्रोशका साथ प्रश्न गरेका छन् । प्रतिनिधिसभामा विनियोजन विधेयकबारे छलफलको क्रममा बोल्दै सत्तापक्षकै सांसदहरूको रुवाबासी देखेर आफ्नो क्षेत्रमा थोरै बजेट परेपनि धेरै गुनासो नभएको बताए ।

उनको भनाइ जस्ताको तस्तै:

बजेटमाथिको छलफलमा सत्तापक्षका सांसदहरूले समर्थन गर्ने, प्रतिपक्षकालेविरोध गर्ने प्रवृत्ति आइरहेको थियो । तर, अन्त्यमा कम फुलिस्टप पनि चेन्ज नहुने जे छ ताली ठोक्ने अगाडि बढ्ने भन्ने कुराहरु भइरहेको थियो । तर, अहिले त सत्तापक्षको सांसदहरूको पनि दुईवटा प्रवृत्ति देखियो । एकथरी साथीहरूको हाम्रोभन्दा बेसी रुवाबासी ।

बजेटमा पहुँज पुग्ने सत्तापक्षका सांसदहरूको सबैभन्दा सुन्दर छ भन्ने । सत्तापक्षबीच पनि विभाजन देखियो । मेरो यसपालि बजेट परेन भनेर धेरै गुनासो छैन । मन्त्रीज्यूले आफू भएको बेलामा आफ्नो ठाउँमा नदेखिने गरी बेसी हाल्ने नै हो भनेर भनिसक्नुभएको छ । त्यो प्रवृत्ति विगतदेखि नै चलेर आएको छ। परेन भनेर भन्नुको अर्थ छैन ।

तर, बजेट बनाउँदा जुन प्रवृत्ति हाबी भएको छ जस्तो हामीले भ्रष्टाचारको विरोध गर्दा, काम भएन, पहिलेको भन्दा भ्रष्टाचार कम भयो भन्दा अहिले धेरै किलोमिटर बाटो बन्यो भनिराख्नुभएको छ । के त्यसो भए हामी पछाडि फर्किने । अहिले जुन प्रवृत्तिको विकास भएको छ त्यसले तपाईंहरूले भनेको व्यवस्थालाई नै कमजोर बनाउँछ ।

केन्द्रबाट बाटोको लागि छुट्याइएको रकम एकलाख दुई भएपनि हुने । यसले कस्तो संघीयता ल्याइरहेको छ बनाइरहेको छ ? यही हो तपाईंहरूले ल्याएको संघीयता ? २० किलोमिटर बाटोका लागि ७० लाख ५ लाख २ लाखपनि छुट्याउनुभएको छ । यस्तो बुद्धि र ज्ञान मन्त्रीहरुलाई कसले दियो ?