लुम्बिनीका तीन जना मन्त्रीले लिए शपथ

काठमाडौं । लुम्बिनी प्रदेशका नवनियुक्त तीन जना मन्त्रीहरुले शपथ लिएका छन् । नेपाली कांग्रेसका राजु खनाल, जनमत पार्टीका चन्द्रकेश गुप्ता र जसपाका भण्डारीलाल अहिरले प्रदेश प्रमुख अमिक शेरचनबाट पद तथा गोपनीयताको शपथ लिएका हुन् ।

खनालले स्वास्थ्य, गुप्ताले सामाजिक विकास र अहिरले कृषि तथा भूमि व्यवस्था मन्त्रालयको जिम्मेवारी पाएका छन् ।

यसअघि माओवादीका धनबहादुर मास्कीले आर्थिक मामिला मन्त्रालयको जिम्मा पाएका थिए । लुम्बिनीमा अझै केही मन्त्रालय रिक्त छन् । बाँकी मन्त्री बजेटपछि नियुक्त हुने बताइएको छ ।

लुम्बिनीका मुख्यमन्त्री चौधरीले बैशाख १५ गते शपथग्रहण गर्दै चार सदस्यीय मन्त्रीमण्डल विस्तार गरेका थिए ।