सडक खालि नगरी संसद् भवनमा राष्ट्रपति पौडेल

काठमाडौं। सडक खालि नगरी राष्ट्रपति रामचन्द्र पौडेल संसद् भवन पुगेका छन्।

सरकारको नीति तथा कार्यक्रम प्रस्तुत गर्नका लागि राष्ट्रपति पौडेल संसद् भवन नयाँ बानेश्वर पुगेका हुन्।

उनको सवारीमा शीतल निवासबाट संसद भवनमा सडक खाली गराइएन । सामान्य औपचारिकका लागि संसद भवनको गेटबाट मात्र कारकेडको व्यवस्था गरिएको थियो ।

यसअघि नीति तथा कार्यक्रम प्रस्तुत गर्न राष्ट्रपति संसद आउँदा शितल निवासदेखि नै सडक खाली गराउने गरिएको थियो ।

आज राष्ट्रपति पौडेल सडकमा सर्वसाधारणलाई अप्ठ्यारो नहुने र सडक खाली नगरी संसद भवन पुगेका हुन्।

राष्ट्रपति पौडेलले जनतालाई अप्ठ्यारो पर्ने कुनै पनि काम नगर्न सुरक्षा निकायलाई निर्देशनसमेत दिएका थिए।