देशभर आईसीयूमा १२७ र भेन्टिलेटरमा १७ जना कोरोना संक्रमितको उपचार हुँदै

काठमाडौं । कोरोना संक्रमित गम्भीर प्रकृतिका बिरामीको सघन उपचार भैरहेको छ । यसरी सघन उपचार हुनेमा १ सय ४४ जनाको आईसीयूमा र १७ जनाको भेन्टिलेटरमा छन् ।

आईसीयूमा उपचार भइरहेकाहरूमध्ये प्रदेश-१ मा ४ जना, प्रदेश-२ मा २९ जना, बागमती प्रदेशमा ७५ जना, गण्डकी प्रदेशमा ६ जना र प्रदेश-५ मा १३ जना गरी १२७ जनाको उपचार भइरहेको छ। त्यस्तै बागमती प्रदेशमा १४ जना र प्रदेश- ५ मा ३ जना गरी १७ जनाको भेन्टिलेटरमा राखेर उपचार भइरहेको छ।

पछिल्लो २४ घण्टामा देशभर एक हजार ६९ जना कोरोनाभाइरस संक्रमित थपिएका छन्। स्वास्थ्य तथा जनसंख्या मन्त्रालयका अनुसार ७२५ पुरुष र ३४४ महिलामा संक्रमण देखिएको हो।