ट्रकको ठक्करबाट दोलखामा १ जनाको मृत्यु, एक घाइते

दोलखा। भीमेश्वर नगरपालिका–६ चोथाङमा ट्रकको ठक्करबाट आज शनिबार बिहान मोटरसाइकल चालकको मृत्यु भएको छ । मोटरसाइकलमा सवार अर्का एक जना घाइते भएका छन् ।

मृत्यु हुनेमा काभ्रेपलानञ्चोक महाभारत गाउँपालिका–८ घर भइ भीमेश्वर नगरपालिका–६ बस्ने अन्दाजी २० वर्षीय राजु मगर रहेको प्रहरीले जनाएको छ । उनको उपचारका क्रममा मृत्यु भएको प्रहरीले जनाएको छ ।

काठमाडौंतर्फ गइरहेको बा ४ ख ९७५ नम्बरको ट्रकले विपरीत दिशातर्फबाट आइरहेको बा ९४ प ३२५५ नम्बरको मोटरसाइकललाई ठक्कर दिँदा त्यसमा सवार धनुषाका अभिषेक शाह गम्भीर घाइते भएका छन् । उनको च्छो रोल्पा अस्पतालमा उपचार भइरहेको छ ।

मोटरसाइकललाई ठक्कर दिने ट्रकका चालक फरार रहेका छन् । उनको खोजी भइरहेको प्रहरीको भनाइ छ ।