टोकियो । जापानका प्रधानमन्त्री सिन्जो आबेले स्वास्थ्य समस्याको कारण राजीनामा दिने भएका छन् ।
उनी केही वर्षदेखि अल्सरटिभ कोलिट्स (ठूलो आन्द्रा र मलाशयको भित्री र बाहिरी तहमा सुन्निने) रोगबाट ग्रस्त छन् । पछिल्लो समय उनको अवस्था अझै कमजोर बन्दै गएको थियो ।
पब्लिक ब्रोडकास्टर (एनएचके) ले ६५ वर्षीय आबेले आफ्नो कारण सरकारमा समस्या नहोस् भन्ने चाहेको जनाइएको छ ।
गत साता उनी जापानको अहिलेसम्मकै नियमितरुपमा सत्तामा रहने प्रधानमन्त्री बनेका थिए । सन् २०१२ देखि उनी प्रधानमन्त्रीको जिम्मेवारी सम्हालेका थिए ।
सन् २००७ मा उनले एकाएक प्रधानमन्त्री पदबाट राजीनामा दिएका थिए । त्यस समयमा पनि उनी अल्सर्टिभ कोलिट्सकै कारण राजीनामा दिएको जनाइएको छ । बीबीसीको सहयोगमा
