कोरोना भाइरसकाे संक्रमणबाट महोत्तरीमा थप २ जनाको मृत्यु

काठमाडाैं । महोत्तरीमा आज थप दुई जना कोरोना संक्रमितको मृत्‍यु भएको छ । महोत्तरीको मनरा सिस्वा नगरपालिका-३ का ७५ बर्षीय एक बृद्ध र बलवा नगरपालिका-३ का ७७ बर्षीय बृद्धको मृत्यु भएको हो ।

प्रमुख जिल्ला अधिकारी कृष्णबहादुर कटुवालका अनुसार केही दिनअघि मात्रै चितवनको क्यान्सर अस्पतालमा उपचार गरेर फर्किएका ७५ बर्षीय बृद्धको जलेश्वर अस्पतालमा मंगलबार विहान साढे ११ बजे मृत्यु भएको हो । उनलाई चितवनमै हुँदा कोरोना संक्रमण पुष्टि भएको थियो ।

यस्तै, बलबा नगरपालिकाका ७७ वर्षीय बृद्धको जनकपुरधामको प्रादेशिक अस्पतालमा उपचारको क्रममा मंगलबार विहान साढे ११ बजे नै मृत्यु भएको हो । उनी सोमबार साँझ प्रादेशिक अस्पतालमा भर्ना भएका थिए ।