बालिका बलात्कारको आरोपमा एक युवक पक्राउ

काठमाडौं । प्रहरीले आफनै डेराकोठामा बस्ने १७ वर्षीया बालिकामाथि जबरजस्ती करणी गरेको आरोपमा एक युवकलाई पक्राउ गरेको छ । भक्तपुरको मध्यपुर थिमि नगरपालिका-१ लोकन्थलीमा डेराकोठामा बस्ने दोलखाका जय भन्ने श्री थापालाई प्रहरीले पक्राउ गरेको हो ।

पीडितका आफन्तले दिएको जाहेरी दरखास्तका आधारमा उनलाई पक्राउ गरेको भक्तपुर प्रहरी परिसरले जनाएको छ । उनले फागुन ७ गते बलात्कार गरेको आरोप रहेको परिसरका सूचना अधिकारी कुमारप्रसाद मैनालीले जनाए ।

मध्यपुर थिमि नगरपालिका-६ पुरानो थिमिबाट नियन्त्रणमा लिई जबरजस्ती करणी कसुरमा जिल्ला अदालत भक्तपुरमा पेश गरेको र अदालतले ६ दिन म्यान थप गरी प्रहरी वृत थिमि भक्तपुरमा रोखेको छ ।