सवारी दुर्घटनामा दुई जनाको मृत्यु

काठमाडौं । मोरङ र सुर्खेतमा भएका सवारी दुर्घटनामा दुई जनाको ज्यान गएको छ । मोरङको बुढीगंगा गाउँपालिका– ४ मा भएको मोटरसाइकल दुर्घटनामा ३५ वर्षीय एक पुरुषको मृत्यु भएको प्रहरीले जनाएको छ ।

बा.६३ प ७२७ नम्बरको मोटरसाइकल विद्युतको पोलमा ठोक्किँदा उनको मृत्यु भएको हो । मृतकको पहिचान खुलिनसकेको प्रहरीको प्रहरीले बताएको छ ।

त्यस्तै आजै सुर्खेतमा मिनिट्रकको ठक्करबाट एक पैदलयात्रीको मृत्यु भएको छ । वीरेन्द्रनगर नगरपालिका–१० घुस्रामा भे.१ ख १५२८ नम्बरको मिनिट्रकको ठक्करबाट पैदलयात्री सोही नगरपालिका–११ बस्ने ४२ वर्षीय कृष्ण चौधरीको मृत्यु प्रहरीले जनाएको छ ।

ठक्करबाट गम्भीर घाइते भएका उनको कर्णाली प्रदेश अस्पताल कालागाउँमा उपचारको क्रममा मृत्यु भएको हो । दुर्घटनामा घाइते अन्य १ जनाको सोही अस्पतालमा उपचार भइरहेको छ । मिनिट्रक र चालकलाई नियन्त्रणमा लिएको प्रहरीले जनाएको छ ।