राष्ट्रपति निर्वाचनबारे छलफल गर्न रास्वपाको बैठक जारी

काठमाडौं। भावी राष्ट्रपति निर्वाचनबारे छलफल गर्न राष्ट्रिय स्वतन्त्र पार्टी (रास्वपा) ले आज सोमबारका लागि बोलाएको केन्द्रीय कमिटी बैठक जारी रहेको छ।

उक्त बैठकमा पछिल्लो राजनीतिक अवस्थाबारे छलफल गर्न उक्त बैठक पार्टी केन्द्रीय कार्यालय बसुन्धारा जारी छ ।

यही फागुनमा हुने राष्ट्रपतिको निर्वाचनमा कुन उम्मेदवारलाई समर्थन गर्ने भन्ने विषयमा रास्वपाले आज निर्णय लिने सो पार्टीका नेताहरुले बताएका छन् । रास्वपाका उपाध्यक्ष डोलप्रसाद अर्यालले राष्ट्रपतिको निर्वाचनमा के गर्ने भनेर निर्णय गर्ने बताए । राष्ट्रपतिका उम्मेदवार रामचन्द्र पौडेलले शनिबार रास्वपा सभापति रवि लामिछानेलाई भेटेर मत मागेका थिए ।

साथै सरकारलाई दिएको समर्थन फिर्ता लिने की नलिने भन्नेबारे पनि बैठकले निर्णय गर्ने बताइएको छ ।