काठमाडौं । भारतीय गृहमन्त्री अमित शाह अस्पताल भर्ना भएका छन् । गृहमन्त्री शाह सोमबार रातl नयाँ दिल्लीस्थित एम्स अस्पताल भर्ना भएका हुन् ।
यसअघि कोरोना भाइरसबाट संक्रमित भएका उनी उपचारपछि निको भइ अस्पतालबाट डिस्चार्ज भएका थिए । उनी पछिल्लो दुई सातादेखि अस्पतालको आइसोलेसनमा थिए । गत साता उनको कोरोना रिपोर्ट नेगेटिभ आएको थियो ।
डिस्चार्ज भएपनि घरमै बस्न डाक्टरले सुझाव दिएका थिए । सोहीकारण उनी घरमा नै बसेका थिए ।
डिस्चार्ज भइ घर फर्किएका उनलाई असहज महसुस हुनुको साथै जिउ दुख्ने लगायतको समस्या भएसँगै उनलाई पुन: अस्पताल भर्ना गरिएको भारतीय मिडियाले उल्लेख गरेका छन् ।
शाहमा कोरोना देखिनुअघि उनी क्याबिनेटको मिटिङमा सहभागी भएका थिए । उनी सहभागी मिटिङ अन्य मन्त्रीहरु समेत थिए । तर सो मिटिङमा सम्पूर्ण स्वास्थ्य सम्बन्धी मापदण्ड पूरा गरिएको बताइन्छ ।
