माधव नेपाल भन्छन्- गठबन्धनकै सरकार बन्छ, वामपन्थीको सरकार बन्दै बन्दैन 

काठमाडौं।  नेकपा एकीकृत समाजवादीका अध्यक्ष माधवकुमार नेपालले वामपन्थीको सरकार बनाउने विषय जनता अलमल्याउने कुरा मात्र भएको दाबी गरेका छन्। अध्यक्ष माधवकुमार नेपालले वामपन्थीको सरकार नबन्ने बताएका हुन् ।

सोमबार पार्टी केन्द्रीय कार्यालयमा बसेको पार्टीका नवनिर्वाचित प्रतिनिधिसभा सदस्यको बैठकलाई सम्बोधन गर्दै अध्यक्ष नेपालले अहिले नै वामपन्थीको सरकार बन्ने अवस्था नरहेको बताए । 

साथै अध्यक्ष नेपालले वामपन्थीइतरको मात्रै पनि सरकार नबन्ने दाबी गरे । पाँच दलीय गठबन्धनकै नेतृत्वमा अबको नयाँ सरकार बन्ने बताएका उनले आपसी संवादबाट प्रधानमन्त्रीसहित शक्ति बाँडफाँट गर्नुपर्ने समेत उल्लेख गरे।