प्रचण्ड भन्छन्- गठबन्धन बनाउँदा आलोपालो प्रधानमन्त्रीको समझदारी भएकै हो

चितवन । सत्ता गठबन्धन दल नेकपा माओवादी केन्द्रका अध्यक्ष पुष्पकमल दाहाल प्रचण्डले पाँच दलीय गठबन्धन निर्माण गर्दा नै आलोपालो प्रधानमन्त्रीको समझदारी भएको दाबी गरेका छन् । 

आज सोमबार चितवनमा पत्रकारहरुसँग कुरा गर्दै प्रचण्डले हामीले गठबन्धन गर्दा नै आलोपालो गर्ने हो भन्ने कुरा चाहिँ भएको बताएका हुन् ।

प्रचण्डले भने, ‘हामीले गठबन्धन गर्दा आलोपालो गर्ने हो भन्ने कुरा चाहिँ भएकै हो ।’

प्रचण्डले लिखित सहमति नभए पनि जनादेशपछि आफू प्रधानमन्त्री बन्ने मौखिक सहमति भएको बताए ।  उनले भने, ‘यो विषयमा लिखित, औपचारिक केही पनि भएको थिएन। छलफल त पक्कै पनि भएको थियो। गठबन्धन गर्दा आलोपालो गर्ने हो भन्ने कुरा भएकै हो ।’

भावी प्रधानमन्त्री आफू हुने सहमति भएको बताउँदै प्रचण्डले गठबन्धनबीचको त्यो समझदारी कायमै रहेको बताए ।