सिंहदरबारमा प्रचण्ड, बाबुराम र रामचन्द्रबीच भेटवार्ता

काठमाडौं । सत्ता गठबन्धन दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेपाल समाजवादी पार्टीका अध्यक्ष डा बाबुराम भट्टराई र नेपाली कांग्रेसका वरिष्ठ नेता रामचन्द्र पौडेलबीच शुक्रबार भेटवार्ता भएको छ ।

काठमाडौँको सिंहदरबारस्थित माओवादी केन्द्रको संसदीय दलको कार्यालयमा उनीहरुबीच भेटवार्ता भएको हो ।

उक्त भेटमा समसामयिक राजनीतिक परिस्थिति, निर्वाचन परिणाम र नयाँ सरकार गठनका बारेमा कुराकानी भएको स्रोतले जनायो। उक्त भेटमा नेसपाका नेता महेन्द्रराय यादव पनि सामेल थिए ।

मङ्सिर ४ गते सम्पन्न प्रतिनिधिसभा र प्रदेशसभा सदस्य निर्वाचनको प्रत्यक्षतर्फको सम्पूर्ण नतिजा पनि आइसकेको छ ।

समानुपातिकतर्फ पनि सांसद छनोटको अन्तिम तयारी भएसंगै दलहरु नयाँ सरकार गठनको तयारीमा जुटेका छन् ।