सर्वोच्चमा तनाव : जबरालाई अदालतमा प्रवेश दिनुपर्छ भन्दै सर्वोच्च पुगेकी तारा बराल पक्राउ

काठमाडौँ। सर्वोच्च अदालतका प्रधानन्यायाधीश चोलेन्द्रशमशेर जबरालाई अदालतमा प्रवेश दिनुपर्छ भन्दै सर्वोच्च पुगेकी तारा बराललाई प्रहरीले पक्राउ गरेको छ । उनले त्यहाँ चोलेन्द्र जिन्दावादको नारा लगाउँदै  अदालत परिसरमा धर्ना बसेका अधिवक्तहरुमाथि जुत्ता प्रहार गरेकी थिइन् । प्रहरीकाले सम्भावित तनावलाई रोक्न बराललाई नियन्त्रणमा लिइएको बताएको छ। 

सर्वोच्च अदालतका प्रधानन्यायाधीश चोलेन्द्रशमशेर जबराविरुद्ध संसदमा पेस भएको महाअभियोग प्रस्ताव निष्क्रिय भएको पत्र पाएसंगै  प्रधानन्यायाधीश चोलेन्द्र शमशेर जबरा पु: सर्वोच्च अदालत फर्कने तयारीमा रहेका छन्। 

जबरा सर्वोच्च प्रवेश गर्ने तयारी गरेपछि यतिबेला अदालत परिसरमा तनाव सिर्जना भएको छ । 

नेपाल बार एसोसिएसनले जबराको प्रवेशलाई रोक्न सर्वोच्च अदालतको मूल गेटमा धर्ना दिएको छ । बारले जबरलाई अवरोध गर्ने तयारी गरेपछि जबराका समर्थकहरु पनि जबरालाई अदालतमा प्रवेश दिनुपर्छ भन्दै अदालत पुगेका छन् ।