सर्वोच्चमा धर्ना दिन्छौं, हस्तक्षेप नहोस् भन्दै गृहमन्त्रीलाई बार पदाधिकारीको फोन

काठमाडौं । संघीय संसद् सचिवालयले निलम्बित प्रधानन्यायाधीश चोलेन्द्रशमशेर जबराविरुद्धको महाअभियोग प्रस्ताव निष्क्रिय भएको पत्र पठाएसंगै जबरा आजै सर्वोच्च अदालतमा हाजिर हुने भएपछि नेपाल बार एशोसिएसनले सर्वोच्च अदालतको मूल गेटमा धर्ना दिएको छ । 

नेपाल बार एशोसिएशनले प्रधानन्यायाधीश जबराको निलम्बन फुकुवा गर्ने संघीय संसदका महासिचवको पत्र असंवैधानिक भएको निष्कर्ष निकाल्दै जबरालाई सर्वोच्च फर्किन नदिने भन्दै अदालतको मूल गेटमा धर्ना दिने निर्णय गरेको हो। 

बैठक स्थलबाटै बारका पदाधिकारीले गृहमन्त्री बालकृष्ण खाँणलाई फोन गरेका थिए ।आफूहरुले पुरानौ आन्दोलनलाई निरन्तरता दिने निर्णय गरेको भन्दै उनीहरुले शान्तिपूर्ण धर्ना कार्यक्रममा कुनै हस्तक्षेप नगर्न आग्रहसमेत गरेका छन् ।