आज माओवादी केन्द्रको पदाधिकरी बैठक बस्दै, निर्वाचनको समीक्षा हुने 

काठमाडौं। सत्ता गठबन्धन दल नेकपा माओवादी केन्द्रको पदाधिकारी बैठक आज आइतबार दिउँसो २ बजे पार्टी कार्यालय पेरिसडाँडामा बस्दैछ। 

आजको बैठकमा मंसिर ४ मा सम्पन्न प्रतिनिधि तथा प्रदेशसभा निर्वाचनको समीक्षा, सरकार निर्माणलगायत विषयमा छलफल हुने माओवादी केन्द्रले जनाएको छ।

हिजो शनिबार पार्टी कार्यालयमा बसेको पदाधिकारी बैठकले नयाँ सरकार गठनमा सबै विकल्प खुला गरेको बताएको थियो। चुनावी समीक्ष गर्न बसेको बैठकमा अपेक्षाअनुसार चुनावी मतपरिणाम नआएको निष्कर्ष निकालेको थियो। बैठकमा गठबन्धन नछोड्ने तर एमालेसँग सहकार्य गरेर अघि बढ्ने भन्ने विकल्प खुला राख्ने नेताहरुले बताएका थिए।

माओवादी केन्द्रले प्रतिनिधिसभा निर्वाचनको प्रत्यक्षतर्फ १७ सिट मात्रै जितेको छ। 

प्रतिनिधिसभामा प्रत्यक्षतर्फ सबैभन्दा धेरै नेपाली कांग्रेसले ५७ स्थान जितेको छ।