कैलाली–३ मा नागरिक उन्मुक्ति पार्टीका चौधरीको जित 

धनगढी । आइतबार सम्पन्न भएको निर्वाचनको कैलाली क्षेत्र नम्बर ३ को अन्तिम नतिजा सार्वजनिक भएसंगै यहाँ नागरिक उन्मुक्ति पार्टी विजयी भएको छ । उक्त पार्टीको तर्फबाट प्रतिनिधि सभा सदस्यमा गंगाराम चौधरी निर्वाचित भएका छन् । सार्वजनिक अन्तिम नतिजाअनुसार गंगाराम चौधरीले ढकिया चुनाव चिह्नमार्फत २३ हजार १२० मत प्राप्त गरेर जित निकालेका छन् । 

निर्वाचनमा यहाँ ६३ हजार ४४० मत खसेको थियो । जसमा सदर ५९ हजार ७१९ मात्र गणना भएको छ । ४ हजार २१ मत बदर भएको छ ।

उनका निकटतम प्रतिस्पर्धी गठबन्धनका तर्फबाट नेकपा (माओवादी केन्द्र)का कृष्णकुमार चौधरीले १७ हजार ७४९ मत ल्याएका छन्। चौधरीले प्रतिस्पर्धी कृष्णकुमार चौधरीलाई ५३७१ मतको अन्तरमा पछि परेका हुन्। 

यस्तै, नेकपा (एमाले)बाट चुनाव लडेका गौरीशंकर चौधरीले ९ हजार ८७४ मत पाएका छन् भने राप्रपाका वीरेन्द्र बमले ७ हजार ४५ मत पाएका छन् ।