ह्याट्रिक जितपछि गगन थापा (तस्बिरहरु)

काठमाडौं। आइतबार मङ्सिर ४ गते सम्पन्न भएको निर्वाचनमा काठमाडौं क्षेत्र नम्बर ४ बाट प्रतिनिधिसभा सदस्यमा नेपाली कांग्रेसका महामन्त्री गगन थापा निर्वाचित भएका छन् । थापाले यो क्षेत्रबाट फराकिलो मत अन्तरले नेकपा एमाले उम्मेदवार राजन भट्टराईलाई पछि पार्दै ह्याट्रिक जित निकालेका छन् । तर अझै औपचारिक घोषणा हुन भने बाँकी रहेको स्रोतले जनाएको छ। 

उक्त क्षेत्रबाट थापाले २१ हजार ३०२ मत प्राप्त गरेर ७,४५७ भारी मतको अन्तरले एमालेका राजन भट्टराईलाई हराउँदै ह्याट्रिक जित निकालेका हुन् । एमाले उम्मेदवार राजन भट्टराईले १३ हजार ८५५ मत पाएका छन् । 

थापाले उक्त क्षेत्रबाट २०७० सालमा भएको दोस्रो संविधानसभा सदस्य र २०७४ मा भएको प्रतिनिधिसभा सदस्यमा निर्वाचनमा पनि विजयी भएको थिए ।  

२०७४ सालमा पनि थापाले भट्टराई नै पराजित गरेका थिए । त्यसबेला माओवादीको साथ रहँदासमेत भट्टराई थापासँग पराजित हुन पुगेका थिए । 
२०७४ सालमा थापाले तत्कालीन वाम गठबन्धनका तर्फबाट एमाले उम्मेदवार भट्टराईलाई ३ हजारभन्दा बढी मतान्तरले पराजित गरेका थिए ।

तेस्रोपटक राजन भट्टराईलाई पराजित गरेर जितमा ह्यार्टिक गरेका थापा र उनका समर्थकले विजयोत्सव मनाएका छन् । 

साथै यसपटक थापाले सांसद निर्वाचित भएपछि नेपाली कांग्रेस संसदीय दलको नेताको निर्वाचनमा उठ्ने र प्रधानमन्त्रीको दाबी गर्ने घोषणा गरेका छन् ।