चिनियाँ संस्कृति तथा पर्यटन उपमन्त्री ली नेपाल आउँदै

काठमाडौँ।  ५ दिने नेपाल भ्रमणका लागि चीनको संस्कृति तथा पर्यटन उपमन्त्री ली छ्युन नेपाल आउने भएका छन् । आगामी ४ मङ्सिरमा हुने प्रतिनिधिसभा र प्रदेशसभा निर्वाचन भन्दाअघि नै उनी नेपाल भ्रमणमा आउन लागेको स्रोतले जनाएको छ। 

स्रोतका अनुसार चिनियाँ उपमन्त्री नेपाल आउने कार्यक्रम रहेको तर मिति भने तय भएको छैन्। 

परराष्ट्रमन्त्री नारायण खड्का चुनावी कार्यक्रममा उदयपुरमा छन् । खड्काको अनुपस्थितिमा पर्यटनमन्त्री श्रेष्ठले चिनियाँ पाहुनालाई स्वागत गर्ने कार्यक्रम तय गरिएको पराष्ट्रमन्त्री खड्काका स्वकीय सचिव लिला भट्टराईले जानकारी द्रिए ।

उक्त भ्रमणमा चिनियाँ उपमन्त्रीले काठमाडौं र भक्तपुरमा चिनियाँ लगानीमा बनेका सम्पदाहरुको अवलोकन गर्ने कार्यक्रम तय गरिएको छ । 

आम निर्वाचन २०७९ अघि चिनियाँ मन्त्रीको यो नेपाल भ्रमणलाई विशेष ढङ्गले हेरिएको छ ।