डडेल्धुराका जनताको विश्वस जित्दैछन् सागर ढकाल

काठमाडौँ। डडेल्धुरामा प्रधानमन्त्री शेरबहादुर देउवाविरुद्ध स्वतन्त्र उम्मेदवारी दिएर डडेल्धुराको चुनावी मैदानमा उत्रिएका युवा उम्मेदवार सागर ढकालको चुनावी प्रचारप्रसार तीव्र रहेको छ। उनले दिन प्रतिदिन स्थानिय मतदाताको मन जितिरहेका छन् ।

 प्रधानमन्त्री देउवाकै निर्वाचन क्षेत्र डडेल्धुराबाट स्वतन्त्र उम्मेदवारी दिएका सागर ढकालको चुनाव चिन्ह सुई  रहेको छ। उनी अहिले चुनाव चिन्ह सुई लिएर जनतामाझ भोट माग्न व्यस्त छन् ।  मत माग्न युवाहरु समेत खटिएका छन् ।

सागर ढकालको पक्षमा यतिबेला युवाहरुसहित स्थानियवासीहरु पनि खटिएका छन् । स्थानियवासी भन्छन् देशलाई अहिले नयाँ नेता दिने मुडमा छौ । ‘प्रतिस्पर्धा त कडा नै हुनेछ, एक जना स्थानियवासी भन्छन्–‘अहिले नै यकिन गर्न गाह्रो छ, तर नयाँ अनुहारको सम्भावना प्रवल छ’ ‘अहिले त जनतालाई राम्रो नेता नै चाहिएको छ, स्थानियवासीको भनाइ छ– ‘डडेल्धुरामा धेरै कुराको समस्या छ । राम्रो अस्पताल छैन । राम्रो बाटोघाटो छैन । व्यवस्थित स्कूल तथा कलेज छैन । महंगी बढेको छ । पहिला पहिला घरघरमै वृद्ध भत्ता दिने गरेकोमा अहिले त्यो पनि रोकिएको छ । यी सबै कुरा समाधान गर्ने नेता चाहिएको छ ।’

डडेल्धुराका जनता यतिबेला आफ्नो क्षेत्रमा विकास गर्ने नेताको खोजीमा छन् ।

सागर ढकाल भन्छन्– अब सुई लगाएर सबै हजुरबाहरुलाई आराम गराउने हो। देशको मुहार फेर्न एक पटक मौका दिनुहोस। साथै ‘म सबैलाई धन्यवाद दिन चाहन्छु । अझै धेरै साथ र सहयोगको अपेक्षा गरेको छु ।’

सोमबार साँझ सामाजिक सञ्जालमार्फत ढकालले आफूलाई प्रशासनले प्रचारप्रसार गर्न नदिएको बताएका थिए।