स्वर्गीय शेखरचन्द्रको स्थानमा मानबहादुरले गरे मनोनयत दर्ता

काठमाडौँ । कांग्रेस नेता एवम् प्रदेश १ का वन, वातावरण तथा भू–संरक्षणमन्त्री शेखरचन्द्र थापाको निधनपछि मोरङ क्षेत्र नम्बर ३ को प्रदेश सभा १ मा कांग्रेसका मानबहादुर लिम्बुले मनोनयन दर्ता गरेका छन् ।  त्यस क्षेत्रको उम्मेदवार शेखरचन्द्र थापाको बुधबार निधन भएपछि उनको स्थानमा बेलबारी नगरपालिका– ८ का लिम्बूले टिकट पाएका थिए। 

उनले समर्थकसहित गएर मनोनयन दर्ता गरेका हुन् ।  निर्वाचन आयोगले निधन भएर खाली रहेको उम्मेदवारको ठाउँमा नयाँ उम्मेदवारको मनोनयन दर्ता गर्न कांग्रेसलाई आज १ बजेसम्मको समय दिएको थियो ।

थापाको कोरोना र निमोनियाका कारण उपचारको क्रममा निधन भएको थियो । यसैगरी मृतक थापाकी श्रीमतीले टिकट पाउनुपर्ने भन्दै संस्थापन खेमाका कांग्रेस कार्यकर्ताले लिम्बुविरूद्ध नाराबाजी समेत गरेका थिए ।