चुनावी प्रचारका लागि डडेल्धुरामा देउवा (तस्बिरहरू)

काठमाडौं । आगामी ४ मङ्सिरमा हुने प्रतिनिधि सभा तथा प्रदेश सभा सदस्य निर्वाचन लक्षित चुनावी प्रचारका लागि नेपाली कांग्रेसका सभापति समेत रहेका प्रधानमन्त्री शेर बहादुर देउवा गृहजिल्ला डडेल्धुरा पुगेका छन् ।

बुधबार धनगढी गएका देउवा आज डडेल्धुरा सदरमुकाममा गठबन्धनले आयोजना गरेको चुनावी आमसभालाई सम्बोधन गर्न पुगेका हुन् । उनलाई गठबन्धनका नेता-कार्यकर्ता तथा स्थानीयले भव्य स्वागत गरे ।  देउवाको चुनावी भाषण सुन्न नेपाली कांग्रेससहित अन्य दलका कार्यकर्ता र सर्वसाधारण पनि सभास्थलमा जम्मा भएका छन्। देउवाकै प्रतिस्पर्धी सगर ढकाल पनि स्वागतका लागि फुल माला लिएर लाइनमा बसेका छन्। ढकालले डडेल्धुरामा प्रतिनिधिसभा सदस्यमा स्वतन्त्र उम्मेदवारी दिएका छन्। 

प्रधानमन्त्री देउवा प्रचारप्रसार गर्दै ४ दिन त्यहाँ बस्नेछन् ।