वीरगञ्जमा थप एक मृतकमा कोरोना पुष्टि

वीरगञ्ज । नारायणी अस्थायी कोरोना विशेष अस्पतालमा, वीरगञ्जमा मृत्यु भएका छपकैयाका ६५ वर्षका वृद्धमा शुक्रबार राति कोरोना संक्रमण पुष्टि भएको छ।

उपचारका लागि अस्पताल ल्याएका उनको मृत्युपछि गरिएको स्वाब परीक्षण गरिएको थियो । उनको पीसीआर रिपोर्ट पोजेटिभ आएको नारायणी अस्पतालले जनाएको छ ।

यसअघि उनलाई करिब ४ दिन ज्वरो आएर निको भैसकेको थियो। गत बिहीबार राति अचानक श्वास लिन समस्या भएपछि उनलाई एडभान्स मेडिकयर होस्पिटल ल्याएको थियो । 

उनको अवस्था बिग्रेको र आइसीयूमा राख्नु पर्ने भनिएपछि उनलाज्ञई नेशनल मेडिकल कलेज लगेपनि त्यहाँ उनलाई भर्ना लिइएन।

त्यहाँबाट अस्थायी कोभिड अस्पताल गण्डकमा लगेर उपचार गर्ने क्रममा उनको मृत्यु भएको हो।