कात्तिक १८ मा दार्चुलाबाट ओलीले चुनावी सभा सुरु गर्ने

काठमाडौँ। प्रमुख प्रतिपक्षी दल नेकपा एमालेका अध्यक्ष केपी शर्मा ओली पार्टीका उम्मेदवारहरूलाई मत माग्न सातै प्रदेशमा हुने चुनावी सभामा उपस्थित हुने भएका छन् । 

आगामी मङसिर ४ मा हुने प्रतिनिधि सभा र प्रदेश सभाको निर्वाचनका लागि पार्टीले घोषणापत्र सार्वजनिक गरेलगत्तै अध्यक्ष ओली देशभरका चुनावी सभामा सम्बोधन गर्न पुग्ने भएका हुन् । अध्यक्ष ओलीले कात्तिक १८ गते सुदुरपश्चिमको दार्चुलामा हुने सभाबाट सम्बोधनको सुरुवात गर्ने र मङसिर १ मा प्रदेश १ पुगेर सक्ने तयारी गरेका छन्। 

‘अध्यक्षले कात्तिक १८ गते दार्चुलाको चुनावी सभालाई सम्बोधन गरेर चुनावी अभियानको शसक्त सुरुवात गर्नूहुनेछ’, एमाले प्रचार विभाग उपप्रमुख विष्णु रिजालले भने, ‘मङसिर १ गते प्रदेश १ को सम्भवत मोरङ पुगेर टुंग्याउने गरी कार्यक्रमको तयारी छ ।’

अध्यक्ष ओली स्वयं झापा ५ बाट प्रतिनिधि सभा सदस्य उम्मेदवार बनेका छन् ।