सर्बोच्चको आदेशपछि निर्वाचन अधिकृतको कार्यालयले कायम गर्‍यो राजु गुरुङको उम्मेदवारी

काठमाडौं ।  सत्ता साझेदार दल नेकपा (एकीकृत समाजवादी)को तर्फबाट उम्मेदवार बनेका रुपन्देही – २ का उम्मेदवार राजु गुरुङको  निर्वाचन अधिकृतको कार्यालयले उम्मेदवारी कायम गरेको छ।   यसअघि असोज २५ गते गुरुङको उम्मेदवारी खारेज गरिएको थियो।
  रुपन्देही–२ का निर्वाचन अधिकृत उदविर नेपालीले हिजो सोमबार दिउँसो सूचना निकाल्दै गुरुङको उम्मेदवारी खारेज गर्ने निर्णय कार्यान्वयन नगरिएको उल्लेख गरेका छन्। 
 गुरुङले आफ्नो उम्मेदवारी खारेजविरुद्ध सर्वोच्च अदालतमा रिट निवेदन दर्ता गरेका थिए। आइतबार सर्वोच्चले उम्मेदवारी खारेज नगर्न अन्तरकालीन अन्तरिम आदेश जारी गरेको थियो। गत आइतबार सर्वोच्चले उम्मेदवारी खारेज नगर्न अन्तरिम आदेश जारी गरेको थियो। 

मुख्य निर्वाचन अधिकृतको कार्यालय रुपन्देहीले चेक बाउन्स प्रकरणमा उच्च अदालत पाटनमा मुद्दा चलिरहेको भन्दै गुरुङको उम्मेदवारी बदर गरेको थियो। निर्वाचन कार्यालयको उक्त निर्णय बदर गरी आफ्नो उम्मेदवारी कायम गर्न माग गर्दै गुरुङले सर्वोच्च अदालतमा रिट निवेदन दायर गरेका थिए।