काठमाडौं । बिहीबार देशभर ३ सय ६० जना काेराेना संक्रमित भेटिएका छन् । गत २४ घण्टामा ६ हजार ६ सय २२ जनामा गरिएको पीसीआर परीक्षणबाट यी संक्रमित भेटिएकाे स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।
आज थपिएकासहित नेपालमा संक्रमितको संख्या २१ हजार ३ सय ६९ जना पुगेको छ। काठमाडौं उपत्यकामा आज पनि ८७ जना संक्रमित भेटिएका छन् ।
नेपालमा पछिल्लाे २४ घण्टामा २ सय ३३ जना उपचारपछि डिस्चार्ज भएका छन्। यसरी डिस्चार्ज हुनेकाे कुल संख्या १५ हजार ३ सय ८९ जना पुगेकाे छ । सक्रिए संक्रमितको संख्या ६ हजार २ सय ९६ रहेको छ ।
यस्तै आजसम्म कुल ९ हजार ४ सय ७० जना क्वारेन्टिनमा रहेका छन् । नेपालमा अहिलेसम्म संक्रमणबाट ६५ जनाको मृत्यु भइसकेको छ।
