दार्चुलाबाट प्रतिनिधि सभामा बडुसँग गणेशको प्रतिस्पर्धा

काठमाडौँ। आगामी ४ मङ्सिरमा हुँदै गरेको प्रतिनिधिसभातर्फ एक मात्र निर्वाचन क्षेत्र रहेको दार्चुलामा ९ प्रतिस्पर्धी चुनावी मैदानमा उत्रिएका छन् । यस क्षेत्रमा  सत्तारुढ गठबन्धनबाट संघीय मन्त्री तथा कांग्रेस नेता दिलेन्द्रप्रसाद बडू र एमालेबाट गणेशसिंह ठगुन्नाबीच प्रतिस्पर्धा हुने भएको छ। 

यहाँ सत्तारुढ गठबन्धनबाट कांग्रेस नेता दिलेन्द्रप्रसाद बडू उम्मेदवार छन् भने एमालेबाट गणेशसिंह ठगुन्ना उम्मेदवार रहेका छन् । यस्तै, राप्रपाले नरेन्द्रसिंह धामी, नेमकिपाले श्रीविश्वराज दुवाललाई उम्मेदवार बनाएको छ भने नागरिक उन्मुक्ति पार्टीले तारादत्त जोशी र राप्रपा नेपालले देवबहादुर बमलाई उम्मेदवार बनाएको छ ।

यहाँ संघीय लोकतान्त्रिक राष्ट्रिय मञ्चले रमेशराम लुहार, नेशनलिस्ट पिपल्स पार्टीले धर्मसिंह दयाली र राष्ट्रिय स्वतन्त्र पार्टीले रविन्द्रसिंह धामीलाई उम्मेदवार बनाएको छ ।

२०४८ मा दुई वटा निर्वाचन क्षेत्र रहेको दार्चुलामा नेपाली कांग्रेसका उम्मेदवार दिलेन्द्रप्रसाद बडू र राप्रपाका प्रचण्ड बहादुर सिंह निर्वाचित भएका थिए । २०५१ देखि हालसम्मका निर्वाचनमा भने दार्चुलामा एउटा मात्र निर्वाचन क्षेत्र कायम गरिएको छ ।