एमालेले टिकट नदिएपछि करिश्माले लेखिन्- म जनताको मात्र मान्छे हुँ 

काठमाडौँ। नेपाली चलचित्र क्षेत्रकी अभिनेत्री तथा नेकपा एमाले नेतृ करिश्मा मानन्धरले फेसबुक पोस्ट यस्तो समयमा गरेकी छन् जतिबेला उनकै दल एमालेभित्र चुनावको टिकट वितरणमा असन्तुष्टि सिर्जना भएका खबर छ्याप -छ्याप आइरहेका छन् । 

करिश्माको उक्त पोस्टमा अर्की अभिनेत्री सञ्चिता लुइँटेलले भने लभ रियाक्ट गरेकी छन् । अन्य प्रयोगकर्ताले कमेन्टमार्फत टिकट नपाएको गुनासोको सन्दर्भसँग करिश्माको स्टाटसलाई जोडेका छन् ।

करिश्माले आफू मतदाता रहेको ललितपुर क्षेत्र नम्बर १ का एमाले उम्मेदवार नवराज सिलवालको तस्वीर पनि पोस्ट गरेकी छन् । 

यस्तै, करिश्मालाई एमालेले समानुपातिकबाट उठाउने अपेक्षा गरिएको थियो ।

मनोनयन दर्ता गर्ने दिन बिहान सारीमा सजिएकी करिश्माको अर्को पोस्ट छ, ‘म जनताको मात्र मान्छे हुँ । म करिश्मा मानन्धर भनेर चिनारी दिने नेकपा एमालेलाई धन्यवाद, अब सुरुवात हो ।’

एमालेले टिकट वितरणमा कन्जुसाई गरेको भन्ने कुरा करिश्माको असन्तुष्टिले बुझ्न सकिन्छ।