डा . भीम रावललाई टिकट नदिएपछि अछाममा एमाले नेताहरुको विद्रोह, ४० नेताले छाडे एमाले

काठमाडौं । नेकपा एमालेले डा. भीम रावललाई टिकट नदिएपछि अछाममा एमाले नेताहरुले  विद्रोह गरेका छन् ।  नेकपा एमालेले अछाम-१ बाट एकल सिफारिसमा परेका नेता डा .रावललाई टिकट नदिएपछि अछाममा विद्रोह भएको छ ।
नेकपा एमाले अछाम जिल्ला कमिटीका चार जना सचिवालय सदस्यसहित ४० जना नेताले एमाले छाडेको घोषणा गरेका छन् । क्षेत्रीय निर्वाचन कमिटी संयोजक प्रकाश शाहसहित ४० जनाले एमाले जिल्ला कमिटी अछामलाई सम्बोधन गर्दै पार्टीबाट सामूहिक राजीनामा दिएका हुन् ।

पार्टीको केन्द्रले टिकट वितरण गर्दा तल्लो कमिटीले गरेको सर्वसम्मत निर्णयलाई पूरै बेवास्ता गरेको तथा पार्टीको नेता तथा कार्यकर्ता र जनभावना विपरीत निर्णय भएकाले आफूहरुले पार्टी छाडेको उनीहरुले बताएका छन् ।