विवेकशील साझा पार्टीका दुई केन्द्रीय सदस्यले राजीनामा दिए

काठमाडौं। विवेकशील साझा पार्टीका दुई केन्द्रीय सदस्यहरूले राजीनामा दिएका छन्।  

उक्त पार्टीका केन्द्रीय सदस्य लक्ष्मण सिटौला र हरिकृष्ण श्रेष्ठले साधारण सदस्य पनि नरहने गरी संयुक्त रूपमा राजीनामा दिएका हुन् ।

राजीनामासँगै नेताद्वय राष्ट्रिय प्रजातन्त्र पार्टी (राप्रपा) प्रवेश गर्दैछन् । नेता सिटौलाले शुक्रबार औपचारिकरूपमा राप्रपा प्रवेश गर्न लागेको जानकारी दिए ।

विवेकशील साझा पार्टी छाडेका नेता रवीन्द्र मिश्र र उनीनिकट विवेकशील साझामा रहेका केही नेताहरूले बुधबार राप्रपामा प्रवेश गरेका थिए। 

यस्तै,बुधबार काठमाडौंको राष्ट्रियसभागृहमा आयोजित एकता घोषणा कार्यक्रममा राप्रपा र मिश्र नेतृत्वको बृहत धु्रवीकरण पक्षधरबीच एकता घोषणा भएको थियो।  ।