मंगलबारदेखि हरिकृष्ण कार्की कामु प्रधानन्यायाधीश

काठमाडौँ। सर्वोच्च अदालतका वरिष्ठत न्यायाधीश हरिकृष्ण कार्कीले मंगलबारदेखि कामु प्रधानन्यायाधीशको जिम्मेवारी पाउने अर्थात् कामु प्रधानन्यायाधीश बनेका छन् । कामु प्रधानन्यायाधीश दीपककुमार कार्की तीर्थाटनका लागि मंगलबार भारत गएपछि हरिकृष्ण कार्की कामु प्रधानन्यायाधीश बनेका हुन् । 

‘कामु प्रधानन्यायाधीश दीपककुमार कार्की (मंगलवार)बाट निजी प्रयोजनका लागि भारत भ्रमणमा निस्किने कार्यक्रम रहेका कारण हरिकृष्ण श्रीमानले स्वत: कामु प्रधानन्यायाधीशको भूमिका निर्वाह गर्नुभएको हो,’ सर्वोच्च अदालतका प्रवक्ता विमल पौडेलले भने ।’

आगामी असोज १५ गतेपछि ६५ वर्षे उमेर हदका कारण कामु प्रधानन्यायाधीश दीपककुमार कार्की अनिवार्य अवकाशमा जाँदैछन् । 

कामु प्रधानन्यायाधीशको हैसियतमा न्यायालयको बागडोर हरिकृष्ण कार्कीले सम्हाल्नेछन् । 

यद्यपि अवकाश पाउनु अगाडि नै कामु प्रधानन्यायाधीश दीपककुमार कार्की तीर्थाटनका लागि भारत गएपछि मंगलबारदेखि नै हालका वरिष्ठ न्यायाधीश हरिकृष्ण कार्कीले नेतृत्व सम्हाल्ने भएका छन्। 

संविधानतः प्रधानन्यायाधीशले देश पार गरेपछि स्वतः वरिष्ठतम् न्यायाधीश प्रधानन्यायाधीश बन्ने व्यवस्था छ