रामचन्द्र पौडेल भन्छन् – मलाई प्रधानमन्त्री बन्ने ठुलो इच्छा छ

काठमाडौँ । आइतबार तनहुँको दमौलीमा उद्योगी व्यवसायीसँग आयोजित अन्तक्र्रियामा बोल्दै नेपाली कांग्रेसका वरिष्ठ नेता रामचन्द्र पौडेलले आफुलाई एकपटक प्रधानमन्त्री बनेर देशको नेतृत्व गर्ने ठुलो इच्छा रहेको बताएका छन् ।

उक्त समयमा पौडेलले भने, ‘कार्यकारी पदमा रहेर काम गर्ने इच्छाशक्ति र साहस मसँग छ ।’ आगामी मंसिर ४ गते हुने निर्वाचनमा तनहुँबाट उम्मेदवार बन्ने बताउँदै उनले सहयोग गर्न कार्यक्रमका सहभागीहरुलाई आग्रह गरे ।

कार्यक्रममा पौडेलले गठबन्धन देशको आवश्यकता हो भन्दै उनले संविधान र लोकतन्त्र बचाउनका लागि गठबन्धनलाई सफल बनाउनुपर्ने बताए ।

नेपाली कांग्रेसको १४ औं महाधिवेशनमा प्रधानमन्त्री शेरबहादुर देउवाले आफूलाई भेटेर देशलाई तपाईंको आवश्यकता छ, स्वास्थ्य ठीक राख्नुस् भनेको पनि उनले बताए ।