राष्ट्रपतिविरुद्ध रिटको पेसी न्यायाधीश हरिप्रसाद फुयालको इजलासमा

काठमाडौं। नागरिकता (पहिलो संशोधन) विधेयक २०७९ लाई प्रमाणीकरण नगरेर निष्क्रिय बनाएको भन्दै राष्ट्रपति विद्यादेव भण्डारीविरुद्ध सर्वाेच्च अदालतमा परेको रिटमाथि आजै आइतबार सुनुवाइका लागि पेसी तोकिएको छ । न्यायाधीश हरि फुँयालको इजलासमा रिटको सुनुवाई हुदैछ ।

अधिवक्ताहरु सुनिलरञ्जन सिंह सागर बराल, सुनिल कुमार यादव, देव शर्मा र सोनु रौनियारले छुट्टा छुट्टै रिट दायर गरेका थिए। 

न्यायाधीश हरि फुयालको इजालसमा तोकिएको पेसी आठौं नम्बरमा राखिएको छ । संघीय संसदको दुवै सदनले पारित गरेर पठाएको नेपाल नागरिकता (पहिलो संशोधन) विधेयक २०७९ लाई राष्ट्रपति भण्डारीले प्रमाणीकरण गरिनन् । 

दोस्रो पटक पठाएको विधेयक गत मंगलबार (४ असोज) प्रमाणीकरण गर्नुपर्नेमा राष्ट्रपति भण्डारीले नगरेपछि सर्वाेच्च अदालतमा छुट्टाछुट्टै पाँचवटा रिट परेका छन् । 

विधेयक प्रमाणीकरण गर्न आदेश दिन माग गर्दै परेको रिटको सुुनुवाइका लागि गत शुक्रबार पेसी तोकिएको थियो ।