चोलेन्द्रको निवासमा आजपनि प्रहरी, सरकारले सुरक्षा गार्ड पनि फिर्ता बोलायो

काठमाडौं । महाअभियोगपछि निलम्बनमा परेका सर्वोच्च अदालतका प्रधानन्यायाधीश चोलेन्द्र शमशेर जबराको सरकारी निवासमा आजपनि प्रहरीको निगरानी कायमै रहेको छ ।

जबरा संसद्को कार्यकाल सकिएसँगै आफूविरुद्ध लागेको महाभियोग स्वतः खारेज भएको भन्दै अदालत फर्कन खोजेपछि प्रहरीले उनीमाथि हिजोबाट निगरानीका साथ अवरोध पुर्याएको छ ।

जबरा आँफैले आफूलाई सरकारलगायतकाले नजरबन्द गरेकोप्रतिक्रिया दिएपछि राष्ट्रिय मानवअधिकार आयोगको टोली पनि स्थलगत अध्ययनको लागि जबरा निवास पुगेको थियो । 

आजपनि जबराको निवासमा प्रहरीको निगरानी कायमै रहेको छ भने जबराको सुरक्षार्थ खटिएका गार्ड पनि सरकारले फिर्ता बोलाएको छ ।