राप्रपा केन्द्रीय सदस्य विश्वकर्मामाथि कारबाही सिफारिस

काठमाडौँ। राष्ट्रिय प्रजातन्त्र पार्टी (राप्रपा) को चितवन जिल्ला कार्यसमितिले पार्टीका केन्द्रीय सदस्य सीमा घतान विश्वकर्मालाई  हुलदंगा गरेको भन्दै कारबाहीका लागि सिफारिस गरिएको छ । भदौ १५ गते बसेको राप्रपा जिल्ला कार्यसमिति बैठकमा उक्त निर्णय भएको। 

आफूलाई जसरी पनि प्रदेशसभामा समानुपातिकमा सर्वसम्मत नाम सिफारिस गर्नुपर्ने भन्दै विश्वकर्माले लफडा गरेको राप्रपा चितवनले बताएको छ ।

विश्वकर्माले पार्टीका नेताको चरित्र हत्या गर्नुका साथै गाली गलौज गरेकाले कारबाहीका लागि सिफारिस गरेको राप्रपा चितवनका अध्यक्ष रुद्रप्रसाद ढकालले बताए । साथै, विश्वकर्माले चितवन – ३ मा राप्रपाका उपाध्यक्ष विक्रम पाण्डेविरुद्ध उम्मेदवारी दिने सार्वजनिक घोषणा गरेको भदौ २९ गते जारी विज्ञप्तिमा उल्लेख छ ।