जबराले नाम लिएका नेताहरुलाई महाअभियोग सिफारिस समितिले नबोलाउने

काठमाडौं । निलम्बित प्रधानन्यायाधीश चोलेन्द्र शम्शेर जबराले आफ्नो बयानका क्रममा आरोप लगाएका अर्थात् नाम लिएका नेताहरुलाई महाअभियोग सिफारिस समितिले सोधपुछका लागि नबोलाउने भएको छ ।

चोलेन्द्र शम्शेर जबरासँग एकसरो बयान लिएर सकेको समितिको बैठक आज बिहान बसेको छ । सो बैठकले जबराले नाम लिएका पूर्वन्यायाधीश लगायतसँग पनि सोधपुछ गर्ने निर्णय गरेको छ ।

समितिका ज्येष्ठ सदस्य राम बहादुर विष्टका अनुसार चोलेन्द्रले बयानको क्रममा नाम लिएका पूर्वन्यायाधीश, नेपाल बार, सर्वोच्च बार, वरिष्ठ अधिवक्ता र अधिवक्ताहरुलाई समितिमा बोलाउने निर्णय गरेको छ । 

तर राजनीतिक दलका नेताहरुलाई भने सोधपुछका लागि नबोलाउने समितिका एक जना सदस्य मिन विश्वकर्माले बताइन   ।

महाअभियोग सिफारिस समितिको बैठक भोलि बस्ने छ । तर समय भने तोकिएको छैन। 

गत १ फागुनमा कांग्रेस र माओवादी केन्द्रका सांसदले जबराविरुद्ध महाअभियोग प्रस्ताव प्रतिनिधिसभामा दर्ता गरेका थिए ।